من وأنا صغير كنت أشوف أبوي بعاني من آلام قوية بظهره. سنين طويلة وهو عايش مع الوجع، وما لاقى ولا علاج فعلي يريحه. كنت أقعد جنبه وأعمله مساج بسيط بإيدي، وكل مرة أشوف الابتسامة على وجهه وأحس إنه ارتاح شوي، كنت أعرف إنه أنا قدرت أساعده.

هون بدأت قصتي… حسّيت إنه عندي رسالة أكبر. قررت أتعلم وأتخصص بالعلاج الطبيعي، وأفهم أكتر عن طرق تخفف الألم بدون عمليات ولا مواد كيميائية.

اليوم أنا موجود عشان أساعد كل شخص مر بنفس تجربة أبوي… ومن هون خلقت راحتك، لتكون مكان بقدّم جلسات ومنتجات طبيعية تعطي راحة حقيقية للحياة اليومية.